er stjórnstöðÍ stað þess að geyma gögnin þín í möppum, tölvuskjölum og útprentuðum blöðum, heldur Metta utan um daglegt eftirlit, hitastig og atvik, og skráir sjálfkrafa hver gerði hvað og hvenær. Allt rekjanlegt, skýrt og öruggt.
Spjall án skuldbindinga · Uppsetning og kennsla innifalin · Uppsett hjá þér innan 14 daga frá pöntun
Þrifa- og gátlistar hjálpa þér að fylgjast með daglegum, vikulegum og mánaðarlegum eftirlitsferlum í eldhúsinu. Skráðu hitamælingar, hreingerningar og öryggisatriði á kerfisbundinn hátt og hafðu alltaf yfirsýn yfir hvað er lokið og hvað bíður.
Rauntímavöktun á hitastigi kæla, frysta og eldhúsbúnaðar. Stilltu viðmiðsmörk fyrir hvern skynjara og fáðu sjálfvirkar tilkynningar þegar hitastig fer út fyrir leyfileg mörk. Fylgstu með hitaferli aftur í tímann, berðu saman mælingarnar á milli tækja og búðu til útflutningshæf hitastigsskjöl tilbúin til eftirlitsskoðunar.
Þegar eitthvað fer úrskeiðis, hvort sem það er óhapp starfsmanns, hitastig utan marka eða gátlisti sem náðist ekki að klára, þá er það skráð á einum stað með fullri sögu. Hver skráði atvikið, hvenær það gerðist, hvað var gert og hver fylgdi því eftir. Þegar úttektarmaður spyr hvað gerðist og hvernig það var leyst er svarið alltaf til staðar, ekki í minni einhvers sem er hættur.
Bókaðu 30 mínútna kynningarfund með okkur og við finnum út í sameiningu hvaða leiðir henta best fyrir þitt eldhús. Metta er til þjónustu reiðubúin.
Öll hreinsiefni og íðefni eldhússins á einum stað, með hættumerkjum, öryggisblöðum og leiðbeiningum um meðhöndlun og skyndihjálp. Starfsfólk getur flett upp hvaða efni sem er á sekúndum og séð hvernig á að nota það á öruggan hátt. Þegar úttektarmaður biður um öryggisblað fyrir tiltekið efni er það til staðar strax, ekki týnt í skúffu eða á úreltu formi.
Kortleggðu hætturnar í eldhúsinu á kerfisbundinn hátt, allt frá hráefnamóttöku til framreiðslu, og gefðu mat á hverja þeirra út frá líkum og alvarleika. Tengdu svo mestu áhætturnar beint við gátlistana og hitamælingarnar sem vakta þær, þannig að eftirlitið verður sjálfvirkt. Þá veistu ekki bara hvar áhættan liggur, heldur ertu líka með virkt eftirlit sem grípur frávik áður en þau verða að vandamáli.
metta | vakt er þráðlaus skynjarafloti sem vaktar hitastig í kælum og frystum hjá þér, allan sólarhringinn. Þú kaupir engan búnað, þú leigir hann hjá okkur. Við sendum tækin tilbúin og merkt fyrir hvert svæði, þú kemur þeim einfaldlega fyrir á sína staði og þau byrja strax að skrá hitastig beint inn í mettu. Þannig hverfa handvirku mælingarnar, ekkert gleymist og þú færð viðvörun um leið og eitthvað fer úrskeiðis, líka um miðja nótt eða um helgar þegar enginn er á staðnum. Bilun í kæli getur eyðilagt hráefni fyrir hundruð þúsunda á einni nóttu, og með sjálfvirkri vöktun grípurðu vandann áður en hann verður að tjóni. Á sama tíma byggirðu upp samfellda, vottaða mæliskrá sem sannar að kælikeðjan hafi haldist í lagi, sem verndar bæði matvælaöryggið og orðspor rekstrarins þegar eftirlitið bankar upp á.
Þráðlaus hitamæling fyrir kæliherbergi, frysta og geymslur. Aftengjanlegur nemi mælir frá −50°C upp í +105°C með ±0,5°C nákvæmni.
Sama nákvæmni og hitaneminn en með LCD skjá svo starfsfólk les hitastigið beint af tækinu. Styður líka hurðanema samhliða.
Mælir hita og raka og skráir um leið hvenær kæliherbergi eða frystir er opnaður. Sendir viðvörun ef hurð stendur opin of lengi, svo ekkert fer framhjá þér.
Ein gateway tekur við gögnum frá öllum skynjurum hússins og kemur þeim í kerfið. Tengir allt að 2.000 tæki og nær um 2 km í þéttbýli. Við stillum búnaðinn og sendum hann tilbúinn til þín (Plug and Play).
Þrír pakkar sem vaxa með rekstrinum, frá grunneftirliti upp í fulla stjórnun á mörgum staðsetningum. Við förum yfir þarfirnar með þér, stillum kerfið upp og þjálfum starfsfólkið. Hafðu samband og við finnum réttu lausnina saman.
Allt sem þarf til að uppfylla kröfur MAST og Vinnueftirlits um stafrænt innra eftirlit. Hentar minni eldhúsum og þeim sem vilja koma pappírslausu eftirliti í gang á einfaldan hátt. Stendur fyllilega sjálfstætt sem löglegur gæðarekstur.
Fullbúið gæðakerfi með sjálfvirkum hitamælingum, áhættumati og fullum rekjanleika. Fyrir eldhús sem vilja virkt eftirlit og vera alltaf tilbúin fyrir úttekt. Þetta er pakkinn sem hentar flestum atvinnueldhúsum og stóreldhúsum.
Heildstætt rekstrarkerfi fyrir stærri rekstur og fjölstaða starfsemi. Bætir matseðlum, máltíðaskráningu og fullri rekstrarstýringu ofan á gæðakerfið, svo öll starfsemin er á einum stað með yfirsýn yfir allar staðsetningar.
Verð fer eftir staðsetningum og starfsmannafjölda. Innleiðing er innifalin sem eitt skipti og við sjáum um uppsetningu og þjálfun. Hafðu samband fyrir verðtilboð sniðið að þínum rekstri.
Við setjum kerfið upp, flytjum gögnin þín og þjálfum starfsfólkið. Uppsett hjá þér innan 14 daga frá pöntun, þér að kostnaðarlausu að prófa.
Við sýnum þér kerfið í gangi, sniðið að þínu eldhúsi, og svörum öllum spurningum. Engar skuldbindingar.
Fylltu út og við höfum samband innan eins virks dags.
Við segjum ekki frá upplýsingum þínum. Engar skuldbindingar.